有日比人話我, 點解要迫小公主及小王子跟我一齊宇宙。
冤枉呀, 大老爺!
首先我要澄清我無「迫」佢地練宇宙神功, 唔好以為我食沙律, 佢哋一定跟我餐餐要食沙律, 係佢哋鐘意食先會食, 乜你以為小朋友唔鐘意食既, 你會迫到佢哋食咩! 
有時我食沙律, 佢哋一樣係有飯有餸, 只係我無食, 無post出嚟!
試過我食沙律冇預佢哋, 我仲俾人投訴呀, 陰公! 
仲有就係唔一定為减肥瘦身, 先跟宇宙自然飲食法, 呢個飲食法其中一個重點係令你消化啲食物好啲, 减少腸胃既負擔, 因為肉類同澱粉係兩種唔同既消化酶消化, 一日分開兩餐嚟食, 腸胃消化得好啲, 人既身體都健康啲0架! 
仲有就係多菜少肉係現今健康大趨勢!
如果你每日仲係大魚大肉, 無肉不歡, 咁你就要試吓改變啦! 
唔呃你, 試練一個星期宇宙神功, 三七黄金比例, 三成肉或海鮮或澱粉, 再加七成蔬菜, 早餐唔好再食腸仔疍, 通粉, 麵包, 公仔麵
, 改食生果或水煮菜。
, 改食生果或水煮菜。
嗱嗱嗱!
我知你想講乜。唔好同我講好難跟, 冇時間準備呢啲藉口。
事在人為, 睇你有幾大决心及堅持!
I can do it, you can do it too!
試跟一個星期, 你會發覺平日腸胃既小毛病會有所改善, 食飽唔覺胃頂頂, 排便更加係路路暢通, 肚腩仔唔再走出嚟搶鏡!
我怕到時你唔跟唔安落咋! 
而家既我真係食少啲蔬菜水果都週身唔安落, 我怕我遲啲變為食草一族呀!
健康係無價寶, 能夠瘦埋身就仲好, 呢點當bonus都抵啦! 
點呀! 仲諗緊呀? 唔係化? 
快啲過教主嗰邊, 拎番本宇宙秘笈啦!
做個健康至fit宇宙人。
想健康瘦身既你, 快D加入Angel's angel 成為安麒天使, 互相鼓勵, 分享瘦身喜與樂, 齊齊走出自己的美麗人生。
Click 入下面條link, 就可以加安麒天使呢個大家庭啦！http://hk.myblog.yahoo.com/iam-angeltong/article?mid=11619
呵呵呵...係佢地心甘情願。
ReplyDelete[版主回覆09/11/2010 11:30:00]係啊! 我發誓我無迫佢哋! 家陣係呢兩位宇宙持警昅實我ｏ
冇錯..唔好話小朋友啦..我唔咁大個人唔鍾意食GE野都冇人迫到我食啦...
ReplyDelete同埋我認同你"而家既我真係食少啲蔬菜水果都週身唔安落"..我都係啊..一食D 就會周身唔舒服...
不過我仲未影響到我媽媽同我宇宙...我諗我成功左佢就會相信我講GE野..
[版主回覆09/11/2010 11:38:00]係呀! 依家一食多D 味精, 個肚仔就抗議, 食少D菜都唔舒服呀! 做個人版比auntie睇, 等佢做埋宇宙人。
講得好!!!
ReplyDelete有佢地2個同你一起宇宙, 好開心wor!
有佢地昅實你, 你想唁乖都唔得!!!
[版主回覆09/11/2010 12:06:00]有佢地一起宇宙, 係好開心架! 以前小公主间中會話個胃唔舒服, 近排冇試過。有佢地昅實, 想偷食都要攞permit!
係邊個咁大擔~ 話你迫小公主及小王子跟你一齊宇宙 ???
ReplyDelete佢未死過定~
[版主回覆09/12/2010 11:00:00]HOHOHO~~~唔講得, C罪
我都相信係佢地自己想食, 小朋友是迫不到的!!
ReplyDelete跟咗宇宙後, 真的比以前食多咗蔬菜生果, 有時當我拿住兜沙律食, 我覺得自己好似變了隻牛, 好攪笑~~~
我今朝去了街市買餸, 回家後發現個廚房變了菜園, 因為我買了大量蔬菜包括蕃茄, 豆角, 西蘭花, 芹菜, 莧菜, 蕃薯, 雞肶菇, 相反肉類買了少量, 要支持環保, 要宇宙, 少肉多菜!!
[版主回覆09/12/2010 11:02:00]me 2, 而家去超市入貨, 比錢時發覺全部都係菜瓜豆。
我而家都係~冇水果同菜食的話真係好唔舒服~健康真係冇價架~yeah~支持你~
ReplyDelete[版主回覆09/12/2010 11:03:00]yeah!!! 至fit 宇宙人!
YEAH~~生果同菜都左係自己生活既一部份啦~~一日三餐唔見我會如隔三秋架
ReplyDelete小朋友係唔使逼架~~我就係個好好既例子啦~~小時候都多喜歡食菜同生果既!!就算食都係好少架咋!!但係大大下反而鐘意起上黎添, 而家唔使人叫都爭住食架
[版主回覆09/12/2010 11:05:00]真係爭住食, 食少啲都唔掂呀!
我刀中二食生果蔬菜但系屋企五系成日有貨 有沙津醤真系會食多左生果
ReplyDelete[版主回覆09/13/2010 09:13:00]我屋企個雪柜變左花果山