華盛頓DC之旅(三)

第二日晨早六點morning call, 火速地用左半個鐘攪掂, 即刻到酒店lobby食免費早餐。

咦! 好多選擇喎!

有蛋, 火腿, 方包, bagel, 鬆餅, 麥片, 牛奶, 乳酪, 咖啡, 奶茶, 橙汁, 但我冇食呢D, 我最開心係佢地有西柚, 橙同菠籮, 去皮切粒, 開心C我, 我食左大大碟, 因為有熱水沖奶茶, 所以我用熱水沖左杯荷葉草本茶上車慢慢飲。

7點15分上車出發, 第一站維珍尼亞州Shenandoah Cavern (仙人洞), 要坐1小時30分鐘先到, 訓番陣到得呀!

呢個鐘乳石洞係百幾年前, 比兩個小朋友無意中發現既。

而呢個鐘乳石岩洞係全美最大及最靚架! 入面D石真係好靚, 七彩續紛, 真係可以用鬼斧神工黎形容, 好值得比22蚊門票入去睇。

呢塊石叫灰姑娘的堡壘, 似唔似呢?

留意我隔離D石, 好薄咁, 似D乜?

似唔似煙肉呀! 有人話似五花腩。 

而呢個洞, 點解叫仙人洞? 就係因為呢塊石似一個菩薩而得名既。

睇現場仲靚呀! D細既真係睇到嘩嘩聲架!

呢位啊哥係樹頭望望, 睇乜?

唔止佢, 好多團友都係咁望。

只因導遊先生話如果係洞入面比D石流出黎既水滴到頭會帶來好運。

個個人都係樹望下邊度有水出, 場面勁搞笑。

維州盛產蜜糖, 好靚咁話, 咁遠黎到, 梗要買番樽啦! 我手上呢樽兩磅庄, 盛惠US$9.95。火腿都好出名, 不過我冇買。

呢個就係入口, 裡面仲有個全美最細既郵局係入面。

好喇! 上番車返番去華盛頓DC既其餘景點, 又要再坐個半鐘, 唔係化!

未到前, 中途食Lunch, 冇得揀, 要食漢堡包。

心諗, 算啦, 一餐0者, Dinner返到Chinatown 咪有啖好食囉!

點知最後真係人算不如天算。

(待續)

華盛頓DC之旅(四)

想健康瘦身既你, 快D加入Angel's angel 成為安麒天使, 互相鼓勵, 分享瘦身喜與樂, 齊齊走出自己的美麗人生。

Click 入下面條link, 就可以加安麒天使呢個大家庭啦！http://hk.myblog.yahoo.com/iam-angeltong/article?mid=11619