開心哈佬喂!

開心哈佬喂!

哈~~~ 大家嘅哈佬喂過成點呀!  有冇開P癲吓先!

我有癲但冇開P, 癲咗去shopping, 買得好開心。原本我諗住噚日兩個寶貝上完國語班就去血拼, 點知honey有樹做, 唔得閑啋我, 攪都冇得shop, 勁冇隱, 都唔知係咪專登架! 最後要等到今日先出動。

都話咗人哋極度饑渴血拼候群症發作咯, 仲要我等。

最攪笑係我honey唔知幾時啲中文大躍進, 我上篇blog竟然比佢睇明少少, 佢問有乜嘢唔好比佢知, 再睇落啲, 佢竟然知道我要拖佢隻豬仔出去逛街, 即時巳經驚緊個老婆又嚟失控, 直情想擺個荷包入保險箱。

我諗為防佢發覺我嘅行動, 下次我要用密碼通知大家至得啦! 

見綠茶個黑超女郎look咁型, 今日中午出發shopping前, 等我都扮吓型先!

等緊其他shopping團友ready, 叫honey幫我同小公主影番張啦!  你睇我哋幾冬日feel, 凍到連downcoat都出埋。D天氣勁反常, 時暖時寒, 今日得華氏50度咋! 即係8-9℃。

去到shopping mall, 好多人扮鬼扮馬慶祝Halloween, 大人細路到有。

呢位係鋪頭前扮Mario嘅人兄, 係樹派糖比小朋友。

呢位姐姐扮小蜜蜂派discount coupon。

睇下, 成個shopping mall 人來人往, 個個拎糖拎得勁開心。

啊仔, 冇著Halloween costume, 都唔使係樹扮MJ。

呢兩件衫已經成為小公主嘅戰利品。

鞋鋪呀! 咁我入唔入好?

呢張相係honey要求影嘅, 用嚟証明佢嘅荷包大出血!

嗱~~~

佢手上嘅嘢唔係全部我架! 只係右手嗰邊咋! 雖然我有一袋己經拎咗去車度。我哋呢個血拼團, 實在買得太開心。

其實今日啲商鋪冇乜大減價, 所以我買得有啲留手, 等兩星期後感恩節大減價先再掃過。到時我唔敢包隻豬仔錢罌使唔使入深切治療部。寫到咁深冇英文包「佢」唔明。

想唔想知我今日究竟買咗乜?

四條褲, 一件牛仔褸, 兩件毛冷外衣, 一條belt 再加三個headbands。

 

想健康瘦身既你, 快D加入Angel's angel 成為安麒天使, 互相鼓勵, 分享瘦身喜與樂, 齊齊走出自己的美麗人生。

Click 入下面條link, 就可以加安麒天使呢個大家庭啦！http://hk.myblog.yahoo.com/iam-angeltong/article?mid=11619

我要血拼呀!

我要血垪, 我要Shopping, 我要行街街呀!!!!! (痴鬼咗線)

真係唔掂, 勁唔掂!  朝朝早唔知著乜好。

嗱~~~ 唔好誤會, 我唔係曬命話啲衫多到唔知點揀, 唔知點著!

事情剛好相反, 係冇衫褲啱著呀, 陰公! 

話說個幾星期前, 的起心肝搞掂一家四口嘅換季大行動, 執到我CC吓! 最惨係我執好晒啲冬天衫褲出嚟, 竟然發覺有成十幾廿條褲要退役, 真係無辦法著到, 出埋皮帶都唔掂, 有啲個褲頭大力少少拉吓都跌到落hip位。自己見到都O晒嘴!

最後我嗰堆Size 6 嘅褲全部過戶比晒啊妹!  作C囉!  買埋咁多, 有啲連牌仔都未剪, 未著過架!   真係敗家啦!  千祈咪比我honey知。

家陣用埋皮帶, 著得吓嘅數埋唔夠十條, 有幾條係Size 4 嚟。 仲記唔記得暑假前, 我用超筍價買咗條Size 2 牛仔褲, 依家連呢條都著到鬆鬆地, R晒頭, 真係唔覺自己條腰瘦咗咁多喎!

我直頭想登尋腰廣告, 揾番我失散咗十幾年嘅小蠻腰啦!  條腰真係仍需努力。

睇見綠茶條23"小蠻腰, 我簡直流晒口水呀!   想打劫老笠返嚟!

而啲衫嘅災情好少少, 冇咁嚴重, 最多鬆身啲囉!

所以...........呢個weekend~~~~~

我要去shopping補倉。

極度饑渴血拼候群症發作, 需要急救。

我唸如果我honey係樹偷睇緊我個blog, 而又睇得明嘅話, 佢而家嘅心情一定係~~~

我嘅心又喜我嘅心又慌, 好怕個老婆會買窮郎, 買窮郎。

放心honey, 我會錫住你個荷包架啦!

你隻豬仔錢罌唔使入ICU嘅!

我家的沙律

瘦身前嘅我, 一點也不愛沙律, 甚至乎討厭添!  但自從决心修練宇宙神功之後, 變成越食越愛。家陣沙律巳經變成我既至愛餐之一。

連埋今晚dinner, 我巳經連食三晚沙律做晚餐, 仲未厭喎! 前晚煙三文魚沙律, 噚晚沙律配飯, 今晚沙律配牛扒。

好多blog友仔都話我家嘅沙律, 個LOOK好掂, 其實味道都幾好架!  更有人問啲沙律點整?  其實真係易過借火, 話都冇咁易。

睇下以下嘅examples:

嘩! 大堆頭大製作呀!

基本上材料大致相同, 只係生果部份不同, 個排乜嘢生果靚, 邊啲做特價, 我咪買嚟做沙律囉! 羅馬生菜, 青瓜及蕃茄一定有, 再加啲彩椒, 紅蘿蔔, 跟住就係時令生果, 有時又放些少提子乾或Cranberry乾。

超易整, 冇難度, 我諗最煩係洗同切, 就等我嚟示範一次。

揀好心水食材, 洗乾淨晒佢哋。啲生菜唔使切, 用手搣就得。

跟住將所有材料切粒, 切條或切片, 鍾意點切都得。然後好似叠羅漢咁一層層放上去, 就係咁easy, 搞掂, 食得!

My Dinner, yummy!

我呢碟係冇牛油果嘅, 牛油果屬澱粉類生果。今晚揀食肉所以冇食佢。

菜加肉, 牛扒配沙律。唔好以為呢塊扒好大, 佢好薄架咋, 未煮前半磅都冇, 仲要比我去骨走膏再飛筋, 所以三七比例冇問題。

但最大問題係我用油去煎塊扒囉!  肉類經高温煎炸會產生毒素, 但我哋又愛煎牛扒。所以我揀薄身嘅, 再快速咁用葡萄籽油煎一煎就食, 我全家都唔食well done, 仲要係medium rare, 所以真係煎兩吓就上碟。

其實教主教過一個煮牛扒健康啲嘅方法, 係先蒸一吓塊扒至半熟, 再用油小火煎一煎就上碟, 會香口啲又可以減少高温煎嘅時間。大家不妨試吓!

青春常駐童顏不老

青春常駐童顏不老

全世界邊個女人唔想自己青春不老, 外表比實際年齡後生。

想變後生幾多年?  5年.....10年.....15年定係20年呀!

當然用合適嘅護膚品對延緩衰老有一定作用, 但都係比較表面。

首先我哋唔理個殼先, 我覺得心境青春係非常重要, 心境同心情絕對影嚮外表架!  相由心生, 一個時常埋怨又唔開心嘅人, 佢個咀角一定向下, 呢啲叫覆舟咀, 一聽個名就知唔掂!  試幻想吓一個人個咀角永遠向下, 比人苦苦嘅感覺, 又點可以靚呢! 唔即時老十年都偷笑囉!

想keep住童顏不老, 首先對住塊鏡, 學吓點笑先!  要好sweet 咁笑, 甚至乎開懷大笑。喂! 咪話我傻, 我認真架! 你無聽過有人練笑功嚟保健嘅咩!

歌仔都有得唱啦!  笑一笑世界更美妙!

心境開朗愉快, 正能量都會高啲。 正能量高, 人就自然好運, 幾著數, 話唔定中番個大獎添呀!  俗話有話不打笑臉人, 你心地好又好笑容嘅, 邊樹有人捨得打你喎!

所以我哋EQ要高啲, 比人鬧都要笑, 笑到鬧你嗰個人冇你符。笑係絕招嚟!

講完心境就要講吓個body喇!  健康好重要, 試諗吓你得廿零歲, 但身體入面未老先衰, 成四五十歲嘅話, 點攪呀!

所以啲人話女人唔補好易老係啱架!

首先要了解自己體質, 再作適當嘅滋補! 尤其每個月M完, 更加要補補佢。咪持住自己後生就冇有怕, 過多幾年你就知。以前嘅我都係十吓十吓, 但自從兩三年前身體勁差之後, 我怕怕啦!

好彩比我揾到個好中醫幫我搞番好個身體, 可惜佢舊年告老還鄉, 但佢走前都比咗條藥方過我, 叫我每個月煲嚟飲番一至兩次。講真, 每次飲完又真係好好瞓, 所以今日又煲咗劑。

我鍾意睇中醫多過睇西醫架! 但好中醫難求, 西藥雖然係見效快, 但副作用多, 你試吓下次食西藥前磅吓自己, 食咗幾日西藥再上磅, 即時重你三五磅呀! 成個人好似吹波咁, 脹晒!  病完冇瘦到仲重咗, C未。仲有唔好亂食止痛藥, 我識得有啲人食止痛藥好似食糖咁, 啲止痛藥好難代謝排番出嚟架, 積埋係身體會變成毒素, 呢啲就係令你肥腫難分嘅源頭。

係教主嘅Raw Food Diet 入面, 有介紹嘅桑寄生杜仲紅棗茶係好嘢嚟架!  補腰補腎補血氣, 真係唔講得少! 好易煲, 材料係中藥店就可以揾齊。

桑寄生杜仲紅棗茶

材料：桑寄生、杜仲 各3錢、紅棗 6粒

做法：

1.將紅棗去核後，一開二，杜仲切成條狀，並將所有材料洗淨。

2.水滾後，加入材料，將5碗水煮成一碗水即可。

若然真係忙都甩LOOK, 仲有個懶人方法我成日用嘅, 就係買個保温杯, 洗乾淨啲紅棗杞子放入杯內加熱水焗嚟飲, 再唔係桂圓肉加紅棗都得喎! 

 

唔想等都得, 臨瞓前洗好放入杯加熱水焗, 瞓醒就有得飲, 成隻抔拎住返工都得呀!

真係連焗到冇時間, 咁就要Ankang產品出馬! 冲繩黑糖補茶, 一冲即飲, 冇藉口啦掛!

教主講過呢個世上無醜嘅女人, 只有懶嘅女人。更何況我哋想青春常駐, 童顏不老, 好似教主咁年年廿三, 靚係要付出代價架!

 

想健康瘦身既你, 快D加入Angel's angel 成為安麒天使, 互相鼓勵, 分享瘦身喜與樂, 齊齊走出自己的美麗人生。

Click 入下面條link, 就可以加安麒天使呢個大家庭啦！http://hk.myblog.yahoo.com/iam-angeltong/article?mid=11619