6月10日

今朝上磅數字係:  113.00 (新低點)

早餐(10:30):  五行酵精30ml, 奇異果一個, 橙一個

午餐(12:30): 花生糭一條  

下午茶(3:30): 車厘子廿粒, 奇異果一個

            (4:30): 准山黨參紅棗蓮子瘦肉湯一碗

晚餐(7:15): 雜菜生果沙律一碟

        (8:30): 准山黨參紅棗蓮子瘦肉湯一碗

今朝上埋磅, 三日纖腰收腹餐單正式完結喇!

可以交成續表啦!  三日共減2.4磅, 呢個成續對我黎講已經好開心, 距離目標磅數110, 仲有3磅, 好快就游到埋岸啦, 雖然中間比大浪打番轉頭好多次, 但係離岸不遠矣, 努力!

今朝一早拖男帶女搭地鐵出唐人街老爺奶奶屋企, 做乜呢? 幫手包糭呀! 小公主想幫手包, 我話咪玩啦, 你阿媽都係半桶水, 唔係包得靚過人, 你黎包都散晒咁, 我點識執手尾, 想C咩!

之後小王子剪左個靚髮, 上番爺爺度, D糭蒸好, 雖然我興趣唔大, 但為左令老人家開心, 點到要幫親食番條, 都幾好味架!  好彩唔係尋日包, 如果唔係我個三日餐單仲唔宣佈失敗。

但係冇耐就覺得個胃好似頂住, 唔多舒服, 係咪太耐冇一次食咁多花生加糯米, 消化唔黎呢?  返到屋企, 拿拿林食番D生果, 先覺好D。

Dinner時, 只係要求老公整番碟靚沙律比我就夠啦, 仲好"滯"呢!

明晚黎緊仲有個老爺飯局等緊我呢!