9月18日

今朝上磅數字係:  110.60

早餐(11:00):暖水一杯

        (11:30): 夏桑菊冲劑一杯

昨晚既花蜆, 攪到我過敏, R到我C吓C吓, 半夜到未瞓到, 今朝瞓到11點至醒, 仲衰到覺得有DD喉嚨痛, 拿拿林沖番包夏桑菊飲吓。嗱~~~唔好玩病呀! 我唔想食西藥呀! 我仲有幾日就飛架啦!

午餐(12:30): 青瓜蘋果沙律一大碟, 白粥半碗

下午茶(3:30): 香蕉一隻, 疍卷一件

出發去honey表妹上州新屋前, 食咗少少嘢, 唔想一陣餓過龍。好在下午啲過敏反應好番好多, 冇咁痕, 對眼開始散腫, 但條頸痕到唔敢R, C忍, 因為一R就又紅又起到一tar tar咁。 

終於到啦!  塞車加埋唔識揾路, 揸咗兩粒半鐘, 終於到啊表妹屋企, 佢個地址連GPS都揾唔到, 因為該地段係新開發既。  

呢個草原feel 大backyard, 人同狗都可以同時狂奔呀!

你睇D細既幾咁快就投入去玩, 隔離呢個殼係建造中既新屋。

偏廳一角, 我好鐘意呢D大窗。

客廳

飯廳

無敵大厨房。

呢隻狗叫健力士, 三歲, 好friendly, 唔亂叫, 啊honey, 你指住佢想點0者。

呢兩位玩到頭髮都濕埋, 依家係樹回氣兼等吃。

晚餐(6:30): BBQ Party 雞翼一隻, 牛肉漢堡一份, 可樂半杯

        (8:00): 朱古力慕絲疍榚半件

BBQ時冇乜食嘢, 食咗D過敏藥, 個人好似十吓十吓, 反應慢半拍, 冇乜胃口, 兼且只有肉, 冇菜。沙律都冇, 叫我呢D宇宙人點算喎!  咁我揀唔食囉。

Snack(10:00): 蜜瓜粒一碗

好彩返歸時唔塞車, 粒半鐘返到, 好累, 食咗少少蜜瓜叫補吓飛。塊臉同頸仲有D痕, 等陣都係又要吃多粒過敏丸至得, 唔係今晚又唔使瞓。

痕呢家嘢, 真係好難頂啊!

 

想健康瘦身既你, 快D加入Angel's angel 成為安麒天使, 互相鼓勵, 分享瘦身喜與樂, 齊齊走出自己的美麗人生。

Click 入下面條link, 就可以加安麒天使呢個大家庭啦！http://hk.myblog.yahoo.com/iam-angeltong/article?mid=11619