6月13日

今朝上磅數字係:  113.40

早餐(10:30):  暖水一杯, 香蕉一條

        (11:30):  蘋果一個

午餐(12:30): 上湯菜心一碟, 茄汁意粉一"住"

Snack(4:30): 麥片提子曲奇一塊

晚餐(7:00): 雜菜生果雞沙律一大碟

        (8:00): ice-cream cake 一片(其中一個外甥女下星期生日, 今晚黎個雪糕蛋榚, 平日留埋D quota, 間中先happy次, ok啦! 係綠茶, 雲厘拿及朱古力味, 好正! )

Snack(8:30): 西瓜切粒一碗

 

Sunday好晏至醒, 之後上網 hea 左一輪, 約埋三個外甥食lunch, 當然繼續宇宙啦! 叫左碟上湯菜心, 好味. 個"住"意粉由小王子碟雞翼意粉度拎過黎。逢weekend好多時會出街食, 只要有決心唔怕麻煩, 一定練到宇宙神功, 食得飽既同時更可瘦身。

點解呢兩日特別乖, 要做好榜樣lor, 因為呢排好多人問我點樣瘦身, 但當我介紹宇宙神功比佢地認識, 個個伊嘩鬼叫, 話好難跟, 又話出街食更加無可能。邊個話無可能, 好, 我就示範比你地睇, 出街食一樣冇問題, 問題在於你有幾大決心, 減肥唔只為貪靚, 最重要為健康, 呢樣係無價既, 有錢都買唔到。

講番最開心既野, lunch後去血拼呀! 即係shopping lor。勁多收獲, 哈~~~~ 開心C我。

Dinner 買齊料返屋企整沙律雞餐, 三個外甥第一次食我老公炮制既愛心沙律, 個個食到無停口, 仲話呢個係佢地食過最好味既沙律, 搞到我老公鬼咁開心, 呢期我honey既愛心沙律非常"火紅熱爆", 有D friend睇完我個blog, 透過電話, facebook 及online message 問我個沙律點整。喂, 各位老細, 大廚唔係我, 我只係負責食, 不如你地直接問番大廚啦!

咦, 老公, 你幾時變左大廚架? 咁最開心應該係我, 可以做個唔使開爐既「無飯主婦」。