開心血拼的一天

開心血拼的一天

今日lunch後, 帶埋三個外甥, 一行七人, 浩浩浩蕩蕩咁出發去行街街。

 

係shopping mall個parking lot映既。

外甥女問: 「細舅母, 做乜今日唔著對5吋highheels出黎威呀?」

我答佢: 「作死咩! 明知shopping仲著對5吋高出黎, 未辛苦過呀! 等陣買野時馬步唔穩, 容乜易比人撞埋出外圍架, 呢對兩吋半, 夠撐架啦!」

血拼呀! 即係Shopping, 女人至愛既節目, 隨時失控, 見到減價又筍既野, 會飛身一個魚躍飛撲埋去, 即時淑女變師奶, 自已姓乜都唔記得。

哈~~~, 呢個搞笑既情境, 周時發生係我身上, 如果有日你係New York shopping, 見到一個好似我既物體, 但又係堆減價貨入面成個傻婆咁冇晒儀態, 不用懷疑, 你冇眼花, 個傻婆一定係我, 可以埋黎同我相認。

講開今日既戰利品, WOW, 非常豐富, 可以用大豐收黎形容, 短短三小時, 我買左一條長leggings, 一條短leggings, 一條boot cut jeans, 兩件小背心, 一件tee, 一件一字領上衣, 一件背心長衫裙, 一件tube top連身短褲, 總共九件, 買到心情high爆, 自己都有D唔好意思, 但咁既價錢, 唔帶晒佢地返歸, 我怕對唔住觀眾。

九件貨品, 估下幾銀? 係US$90有找, 勁抵!

比其中幾件實物大家睇下, 去片。

呢件背心形既衫, 可當衫又可當裙, 本來諗住試條長leggings, 是但拎埋入去試, 死喇, 一試之下, 愛不釋手, 呢件係九件中最貴既, 盛惠US$22.99。

而呢件係同一間鋪頭買既連身衣, tube top上身加短褲, 以前呢D款, 齋睇唔敢買, 買左都唔敢著,  而家勉強ok啦! 起碼著出黎唔會令人睇都嘔。

呢件要US$12.99。

以下呢條boot cut jeans, 比左兩個開心我, 本來boot cut jeans冇乜特別, cutting ok就冇問題, 個問題係個size, 大家望下個size 牌, 係2號呀!

我見佢由$59.50減到$9.88, 好抵, 諗住拎入fitting room試下啦, 估唔到我竟然著到十幾年前既size, 自己都唔係幾信。雖然呢排D舊衭鬆晒, 唔多岩身, 但冇諗過著細兩個碼lor。

第二個開心係當我去比錢時, 原來仲有additional 40% off, 最後只需要比US$5.93就出得門口, 即係原價即十分一既價錢, 我點可以唔開心到震呀!

好彩老公冇詐形。哈~~~

外甥女係一間鞋鋪前問: 「細舅母, 呢間鞋鋪大減價, 仲唔衝入去, 執番兩對。」

我答: 「唔好玩啦! 想我比你舅父丙咩! 屋企D鞋就黎變坐鞋山啦! 」

最後, 我真係冇膽入去, 我呢D鞋癡, 入到去梗會有野出黎, 仲話減價添, 呢排已經買左幾對, 仲敢買咩!

我真係可以一買就三四對架。

 試過一家四口落Orlando 玩, 人地去探米老鼠, 我地走去行outlet, 最後全家一共買左九對鞋返歸, 迫爆行李箱, 問你服未。