勁滑水份Mask + 冇feel 防晒霜

又來分享自己試用完既護膚品啦!

上次介紹過隻去角質層既gel, 出來效果好好, 因每星期只可用一至二次, 所以我連續三個星期唔同配搭咁做testing。

第一次只用去角質gel, 之後塗番平時用既toner, serum & cream, 感覺幾好, 皮膚光亮左。

第二個星期在用完去角質gel 後, "full"左Olay既補水mask(係呀, Olay隻補水mask唔錯, 抵用), 發覺配水份mask 孖住用, 皮膚光亮水潤。

昨天收到呢隻去角質gel 同系列既補水gel mask (呢隻gel mask 係塗上面既, 唔係紙mask), 所以試下係用完去角質gel 後用埋呢隻補水gel mask, 嘩, 掂呀, 塊面竟然滑不溜手, 水潤潤之餘仲好soft, 實在太好feel 啦! 一試難望, 已經愛上佢啦!

但同牌子既一隻防晒Sun Shield Lotion, 唔掂, 雖然佢係用物理防晒, 比平日太多數人用既化學防晒好D, 可同時阻隔UBA & UVB。(化學防晒就係你塗完仍要叫等15分鐘先生效先好晒太陽個D)

但呢隻Sun Shield Lotion有D"笠", 塗上面後冇耐, 再抹下塊面就有D老泥狀既粒粒出來, 我最憎呢隻feel, 好似塊面唔乾淨咁, 唔使講咁多, 分手啦, 勉強冇幸福。

都係用番平時用開個隻物理防晒粉好D。