肥師奶的脫變 ~~~ 再做宇宙人

肥師奶的脫變 ~~~ 再做宇宙人

上回講到我返香港玩時, 無意地參加左「$988 十日瘦十吋」瘦程, 好輕鬆咁就係十日內減左3磅, 仲要唔乖冇跟足飲食都有咁既成續, 好開心咁就返左紐約喇。

懶人會比好多藉口自己, 我仲要係一個為食既懶人, 減左3磅, 仲有121磅既我, 照理應該聽顧問話返黎乖乖咁繼續跟飲食, 但係~~~我冇囉!

因為我好鍾意食飯麵及麵包, 食肉冇飯硬係覺得少左D野咁。其實當時我未知乜野叫「宇宙自然飲食法」, 只係記得顧問話肉跟澱粉要分開食, 每餐要多菜。

天使明明已經派左本宇宙神功秘級比我, 但我死蠢擺埋一邊, 走去外圍兜圈。

小天使再次迷失, 慢慢再轉返入肥海深溝。

後果係點, 唔講你都估到啦!

四個月後踏上個磅, 嘩! 唔掂啦! 瘦左個3磅肥膏返左黎仲要送多磅比我, 125磅, 點算?

思前想後, 笨頭笨腦既我又用Angel 所講既低能飲食法, 即係低能量玩節食囉, 諗住每日吸收少D卡路厘, 希望有轉機, 但係唔work囉。

用左個幾月好辛苦先減得個一磅咁大把, 勁詛喪, 超失望。

124磅既我, 個樣冇乜神采, 勁殘!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~

 直到有日去街市買野, 一個不知天高地厚, 唔知死字點寫既啊叔竟然跟我話:

「啊姨, 唔該借開D啦!」

乜話? 叫我啊姨?

晴天霹靂, 當堂定格黎唔切反應。我唔係唔認老, 係樹扮青春, 但係由一個望落去成五十歲既啊叔黎叫我啊姨, 我接受唔到囉! 佢係dee dee又唔同。

但係而家我要多謝佢, 多得佢當日一句飛埋黎, 如果唔係, 就冇今日既我。

返到屋企越諗越唔對路, 點做好?

突然諗起上次$988療程十日可以減到3磅, 即刻上網搵資料。

 比我搵到Angel 個blog, 即時如獲至寶, 因為係Angel 個blog入面, 有好多瘦身餐單, 減肥資料, 健康心得, 瘦身湯水食療。 用左幾日刨晒成個blog, 清楚知道乜野係宇宙自然飲食法, 再拿拿聲上網訂排毒酵精。

排毒酵精真係幾貴, 有D肉赤, 但係能排出身體積聚既千年毒素, 對減肥係有好大幫助, 心諗健康係無價既, 買就買啦!

今次減肥只許成功不許失敗, 無得返轉頭, 只可向前走。

收到酵精立即開始21日排毒療程, 同步修練宇宙神功, 再次成為宇宙人。

(待續)

肥師奶的脫變 ~~~ 走出美麗人生

 

6月30日

今朝上磅數字係:  114.40

早餐(10:30):  暖水一杯, 蘋果一個

午餐(12:15): 花生糭半條  (走肥肉及花生)

                     羅漢果水一杯, 橙一個

        (1:30):  蘋果一個

Snack(4:30): 羅漢果水一杯, 甜圈餅一件

晚餐(7:00): 雜菜生果蛋沙律一碟

Snack(8:30): 西瓜粒半碗

放暑假Day 2, 連我都可以訓到10點幾。 lunch時, 打開雪柜, 望見奶奶兩星期前比既個袋糭, 仲係度未被消滅, 再唔食佐佢地, 好快要餵垃圾桶, 所以唯有食佢做午餐, 兩隻嘩鬼好比面, 每人一條, 而我上次一野食一條之後, 頂住個胃全日, 今次唔敢咁豪, 食半條好啦! 仲要飛肥腩肉再走埋D花生, 食得好樣衰, 冇計啦, 鬼叫佢配合唔到宇宙咩!

呢兩日好想食甜野, 下午茶再失守, 食左件donut。 又犯班規, 好驚比綠茶班長見到, 不過呢期索茶 玩緊超模, 做 lady win win 要爆紅咁話, 可能唔得閑黎捉我。

Dinner 時唯有盡力補飛啦! 今次個沙律有D新意思, 加左水煮蛋, 幾片牛油果, 半個細size beet, 總共有十一樣材料。正! 好好味, 仲好飽! 沙律~~~已經成為我既至愛。

 

         

肥師奶的脫變 ~~~ 令我驚訝的結果

肥師奶的脫變 ~~~ 令我驚訝的結果

講明先, 唔好比我個標題呃左, 以為我十日後個成續好勁, 可以令你驚訝。個成續只係「令我」驚訝, 對於我呢個係肥海游左十幾年, 減肥冇次成功既我黎講, 係短短十日可以減到3磅及4吋幾, 真係有D驚訝。

第一日上去Angel Face做treatment, 當日上磅係124磅。

著埋黑色都係掩飾唔到肥呢個事實。

每次影相就叫對仔女企係前面, 幫手遮住我個肥美既body。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

十日期間要每日做飲食記錄, 當時都覺得有D麻煩, 但而家又覺得記錄低自己係減肥期間食左乜, 係好有用既, 因為會警惕自己咪犯規, 亂食野, 曳完第二日會自動自覺補飛。

當然顧問仲會教我點跟飲食, 個時唔知乜野係宇宙自然飲食法, 只係聽見飯麵唔可以跟肉一齊食, 覺得唔易做得到。

我呢隻為食貓, 咁難先返到香港呢個美食之都, 見到美食唔准掂, 幾難忍架! 最慘屋企另外三位仲為食過我, 不斷小籠包, 片皮鴨, 蛋撻, 雪榚咁黎引我入陷阱, 可憐既我係個十日內中伏多次。

我又跌入陷井啦!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

十日期間又去左長隆野生動物園玩左兩日, 所以飲食個部分我只係跟到五成右右。

但係到療程最後一日上磅度吋數之後, 我非常後悔, 後悔自己唔乖冇跟足飲食, 因為我咁曳都減左3磅及4吋幾, 如果跟足的話, 成續一定好好多。

呢張係最後一次療程後影既, 臉仔尖番D, 121磅, 2009年8月初。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

我好怪, 每次減肥梗係塊面瘦先,瘦到120磅左右, 塊臉仔就尖晒, 呃得下人, 所以好多時只係影半身, 以前既我唔喜歡影全身, 若果要影, 唔係搵手袋遮住就叫對仔女企係前面。

同時我好失敗, 見到有D成續, 又唔識乘勝追擊, 返左紐約後又再鬆懈, 冇再跟飲食!

小天使再次迷失。

後果係點, 唔使我講你都知啦!

有乜野發生, 令我的起心肝再次修練宇宙神功呢!

(待續)

肥師奶的脫變 ~~~ 再做宇宙人

 

 

 

 

 

6月28日

今朝上磅數字係:  114.20

早餐(7:30):  暖水一杯

        (9:00):  蘋果一個

午餐(12:15): 華漢堡一個, Ice tea 1/3杯

        (1:30):  蘋果一個

Snack(3:00): 台式牛奶糖 2粒(M黎, 勁想食甜野)

         (4:30): 有機低脂牛奶半杯

晚餐(6:30): 水煮唐生菜兩碗, 河粉半碗

Snack(8:00): 西瓜粒一碗

          (9:00): Orange半個

今日係學校 last day, 返半日, 12點未夠就放學, 嘩鬼放暑假, 第一個節目就係被要求去左食Burger King, 食毒物, 最後當然係嘩鬼勝利啦!

我諗我真係唔夠太陽伯伯鬥, 係華氏92度下, 唔使兩野就曬都頭赤赤, 幾時至落番場雨, 散下熱呢! 又熱又焗又曬, 呢個summer 真係好難頂, 仲要曬黑我, 救命呀!

呢排磅數無乜進展, 等過多幾日M完, 又黎返次三日纖腰收腹餐單先。

6月27日

今朝上磅數字係:  113.80

早餐(8:30):  暖水一杯

        (9:30): 蘋果1個

午餐(12:30): Oriental Chicken Salad一碟

晚餐(6:00): 菜 + 肉 + 海鮮(冇澱粉)

        (7:30): 燒仙草一杯

        (10:00): 五行酵精 30ml

 

晨咁早九點九就帶住兩隻嘩鬼去Staten Island Zoo, 諗住早D行冇咁熱, 避開太陽伯伯, 呢個zoo好細, 個半鐘就已經行晒, 不過小公主及小王子睇動物又睇得好happy喎!

行完zoo, 轉場去shopping, 嘆下冷氣, 未開始shopping前梗要醫肚先啦, 以前食呢個salad,覺得冇左D noodles & 杏仁片就唔好食, 但今日就覺得太多, 要揀番D出黎, 仲有我order grilled chicken但竟然變左fried chicken, 激死, 唯有分D雞比其他人幫手食左佢。

講開shopping, 我又失控啦! 今日其實最想買褲, 因為D舊既巳經冇幾多條0岩著, 但係最後結果, 我係買左一條jeans, 一條運動褲, 三件tees 加一件romper。我冇大出血啵, 六件加埋唔使六十蚊, 超抵!

可能你會問點解平成咁?  唉! 咁你就知美國經濟有幾好啦!  好多鋪頭on sale, 仲要1減再減, Ann Taylor Loft 今日仲要全線六折, 不論新貨定減價貨, 死未。

Dinner好大膽, 亂咁食, 拿拿聲飲番五行酵精補飛啦! 明日係學校 last day放半晝, 放暑假啦, 兩隻嘩鬼開心都跳晒舞, 我~~~就有排煩啦!

動物園個招牌, 細到差D睇唔見!

呢條魚叫Lionfish, 夠惡呀!

死喇! 隔離呢隻野唔記得左佢個大名添!

你睇我身後隻孔雀幾 free, 通樹咁行, 又唔怕人喎, 幾抵死!

衰鬼, 點解唔黎個孔雀開屏我睇下呢!

孔雀媽咪帶住隻孔雀B周圍走, 搵唔搵到隻B呀?

 

 

 

 

 

6月26日

今朝上磅數字係:  114.00

早餐(10:30):  暖水一杯

        (11:00): 士多啤梨6粒

午餐(12:30): 台式乾撈麵一碗, 凍咖啡一杯

        (4:30):  西瓜粒一碗

        (6:30): 蘋果一個

晚餐(8:00): 雜菜生果雞胸肉沙律一碟

     呢碟唔靚仔既雞食左半件                            Yummy 沙律, 正!

        (10:00): 有機低脂牛奶半杯

 

天氣熱爆, 冇mood, 乜都唔想做, 中午出去hea左陣, 最後dinner係屋企食沙律。

 

 

 

肥師奶的脫變 ~~~ 不一樣的美容纖體中心

2009年暑假好開心咁一家四口返香港, 喪玩喪食, 有日係荃灣行商場, 見有promotion, 有禮物送喎, 貪小便宜既我, 仲唔飛撲埋去睇下咩! 

原來係Angel Face 做推廣, 如果無記錯, 其中一個優惠應該係$228可做一次facial 加一次全身按摩, 我見咁抵, 又未試過係香港既美容院做facial, 即刻join 左。

之後, Angel D囡囡好nice, 幫我做體質測試, 我係屬經陰性體質, 如果用錯減肥方法, 身體會更差, 更難成功減肥, 又好似幾準喎。

佢話Angel Face 而家推出一個優惠, 就係「$988 十日瘦十吋」纖體療程, 呢個經典既瘦身療程, 真係令好多想減肥既人學識正確既減肥方法。

當時我差D走寶冇join 到, 因為我仲有14日就返紐約, 而且又報左團去長隆玩, 怕時間唔夠, 但原來十日只需要上去做機三四次, 其他時間跟飲食, 顧問會幫我安排咁話。

未上去Angel Face見顧問時, 我有D朋友嚇鬼我, 話小心比人hard sell, 斬到一頸血, 所以第一日上去有少少驚, 點知顧問好好人, 好細心, 知我其間要去長隆玩, 幫我book好晒appointment, 仲細心咁話我知, 呢十日飲食要注意乜野, 要每日做飲食記錄。

 因為我既重災區坐落係太多位置, 顧間都有建議我可以加做一些儀器, 但強調絕不hard sell, 就算你冇加, 都唔會比面色你睇, 仍然咁好笑容。

最開心係拎住一大包產品走, 有荷葉草本茶五包, 纖體粥十包及皇牌排毒酵精迷你裝五支, 剩係呢五支酵精都值$490啦! 直係超值, Angel 真係蝕住黎教我地點樣健康正確咁瘦身。咁既CEO去邊樹搵。

後來幾次上去, 幫我做facial 及treatment既美容師, 個個都又靚女又好笑容, 細心之餘仲好專業, 每次做treatment都會話我知黎緊會做乜, 呢架機可以幫到我乜野, 令我好放心, 環境仲令我好relax添, 我做焗毯時, 舒服到訓著左, 好正。

最令人貼心既就係每次做完treatment, 都會有一杯好好味既瘦身湯飲, 個感覺好溫暖。跟我平時去做facial 既美容院感覺完全不一樣。

Angel Face ~~~ 不一樣的美容纖體中心

想知我係呢十日入面減左幾多磅及幾多吋, 留意下集啦!

(待續)

肥師奶的脫變 ~~~ 令我驚訝的結果